Panambi che raperãme, reséva rejeroky, nde pepo kuarahy'ãme tamora'e añeñotỹ.
Reguejy hag̃ua che pópe aikóva anga romuña, ha torýpe, torypápe che áripi rehasa.
Nde réra oikóva ku eíra saitéicha che ahy'okuápe ha omboasukáva cheve amboy'úvo che resay.
Ku ñuatĩndy rupi, ñu, ka'aguýre, ne muñahápe, iku'ipáva anga che pópe huguy syry.
Panambi, ndeichagua Tupã rymba pipo oime iporãva, resẽ yvytúndie che yvotytýre nde saraki remimbivérõ ko che resápe remimbipáva, tove mba'éna nde rapykuéri tañehundi.
Oipyaha: Manuel Ortíz Guerrero
Ohai Felipe Méndez/guaraniete
|