1. Yvypóra ome’ẽ adoración heta mba’épe. Upéicharõ jepe, la Biblia he’i oĩha peteĩnte Ñandejára AÑETÉVA. Ha’e ojapo opa mba’e oĩva yvága ha yvýpe, ha ome’ẽ haguére ñandéve ñande rekove, chupe añoite ñame’ẽva’erã adoración. (1 Corintios 8:5, 6; Revelación [Apocalipsis] 4:11.)

2. Oguerekórõ jepe Ñandejára heta título, peteĩnte héra; upéva ha’e JEHOVÁ. Heta Bíbliagui ojepe’a Ñandejára réra ha hekovia ojeporu pe título Señor térã Tupã Ñandejára. Upevére, La Biblia ojehaírõ guare, téra Jehová ojeporuva’ekue siete mil tenda rupi. (Éxodo 3:15; Salmo 83:18, Nuevo Mundo.)

3. Jehová oguereko avei hete, jepe ndaha’éi ñanemba’eichagua. “Tupã niko ha’e Espíritu” he’i la Biblia. (Juan 4:24, Jesucristo Marandu Porã.) Peteĩ espíritu ha’e peteĩ tekove tuichave ha imbaretevéva ñandehegui. Ndaipóri peteĩ tapicha ohechava’ekue Ñandejárape araka’eve. Oikórõ jepe yvágape, Jehová ohecha opa mba’e oikóva. (Salmo 11:4, 5; Juan 1:18.) Ha mba’épa pe espíritu santo? Ndaha’éi peteĩ persona, Ñandejáraicha, sino pe fuerza oiporúva Ñandejára. (Salmo 104:30.)

4. La Biblia omyesakã ñandéve mba’éichapa Jehová personalidad. He’i umi cualidad tuichavéva ha’eha mborayhu, justicia, arandu ha poder. (Deuteronomio 32:4; Job 12:13; Isaías 40:26; 1 Juan 4:8.) Avei he’i iporiahuverekoha, ibuenoha, ipojeraha, ipacienciaha ha ikatuha oporoperdona. Ta’yrakuéra iñe’ẽrendúvaicha, ñañeha’ãva’erã jajapo Ha’éicha. (Efesios 5:1, 2.)

Ikatu jaikuaa Ñandejárape hembiapokuére ha Biblia rupi.

5. Iporãpa ñañesũ ha ñañembo’e ta’angakuéra renondépe? Nahániri. (Éxodo 20:4, 5.) Jehová he’i chupe añoite ñame’ẽva’erãha adoración. Ha’e nocompartíri avave ni mba’eve ndive adoración oñeme’ẽva’erã chupe. Avei, ta’angakuéra ndaikatúi ñanepytyvõ mba’evépe. (Salmo 115:4-8; Isaías 42:8.)

6. Mba’éichapa ikatu jaikuaa porãve Ñandejárape? Ikatu ñamaña ha ñapensa porã hembiapokuére, jahecha hag̃ua mba’épa he’i umíva chugui. Umi Ñandejára creación ohechauka ñandéve oguerekoha tuicha poder ha arandu. Opa hembiapokuépe jahechakuaa imborayhu. (Salmo 19:2-7 [1-6, NM]; Romanos 1:20.) Ikatu avei jaikuaave Ñandejárape jastudiárõ la Biblia. Upépe omombe’u ñandéve hetave mba’e ohechaukáva mba’eichagua Ñandejárapa Ha’e. Oikuaauka avei ñandéve ipropósito ha mba’épa oipota jajapo. (Amós 3:7; 2 Timoteo 3:16, 17.)